17. september 2007
Það rignir og það er kalt. Þetta er ekki dagurinn þar sem maður finnur gleði í hinum minnstu hlutum, né dagurinn sem maður hneykslast ótrúlega mikið á ástandi samfélagsins. Þetta er dagurinn sem maður lítur framhjá hlutum sem eru gleðilegir, kjánalegir og móðgandi og bara 'jájá, ókei'. Stelpa prumpaði þegar ég var á klósettinu í dag, ekkert geggjað hátt bara svona rétt aðeins, nóg til að ég heyrði. Ég hló ekki, ég bara sturtaði niður og fór út... Held hún hafi verið vandræðaleg. Róni bað mig um pening í dag, ég ranghvolfdi ekki augunum þegar ég var komin framhjá. Ég bara, 'jájá', hélt áfram að skrifa sms. Fólk hegðar sér í bylgjum. Tímabilum. Eitt tímabilið hangir maður bara með þessum tveimur vinum, annað tímabilið er maður duglegri en vanalega að læra svo kemur tímabil sem maður eyðir í strák(stelpu), kúr, kynlíf. Í hverju tímabili breytist eitthvað í lífi manns. Skoðanir manns breytast, sumir hlutir detta út en aðrir færast nær. Ég hlakka til að komast á næsta tímabil því tímabilið sem er núna, eeeh. Not so much. Enginn strákur (ekki nema þið teljið Óla Daða með
, allar vinkonurnar í sitthvoru horninu, er ekki alveg að fara að bonda geggjað mikið við mömmu núna... Og svo er ég búin að missa af svo miklu sem gerðist í sumar hjá krökkunum í skólanum. Lot of catching up to do.
Angela, í raun er ég núna á tímabilinu sem þú varst á í lok tíundabekkjar til svona miðja fyrsta bekk Kvennó. Vantaði eitthvað og núna fékkstu rúmlega handfull af KjartaniJ
Hérna er greinin sem ég skrifaði um Keflavík í Loka laufeyjarson. Veit ekki af hverju þetta kom svona 
Þórhildur skrifar frá Keflavík
„Í Reykjanesbæ búa 12.400 manns, og fjölgar ört!“ Þetta er skrifað stórum stöfum á skilti sem tekur á móti hverjum þeim sem leggur leið sína inn í bæinn og á vel við. Reykjanesbær er á mikilli uppleið á sviði menninga, fólksfjölda, . Á ljósanótt í upphafi mánaðarins voru mörg þúsund manns saman komin hér í bæ og var met slegið í bílaröð þegar fólk lagði leið sína út úr bænum og var öll Reykjanesbrautin þéttsetin bílum. Geri aðrir betur!
Reykjanesbær samanstendur af Keflavík, Njarðvík og Höfnum. Keflavík þar sem öll helsta bæjarstarfsemin er, spítalinn, framhaldsskólinn, dýrabúðin, yfir tíu hárgreiðslustofur og ‘Rúnturinn’ (hin almenna afþreying ungmenna í bænum sem felst í því að keyra sömu götuna aftur og aftur og aftur). Í Njarðvík má finna eitt bakarí, matvöruverslunina Kost þar sem fást helstu nauðsynjar á uppsprengdu verði og svo Njarðvíkursjoppu (sem heitir í raun Biðskýlið. Ekki er hægt að fara mörgum orðum um Hafnir. Þar eru fimm götur og ein lítil kirkja. Keflavík hefur að geyma alveg ógrynni af hraðahindrunum og hringtorgum. Bæjaryfirvöld hafa nýlega tekið upp á því að ‘pimpa’ aðeins upp hringtorgin með alls kyns aðferðum. Nokkur hafa verið skreytt með mismunandi hætti til dæmis með ljósleiðaraskreytingu, risasverði og gosbrunni svo eitthvað sé nefnt. Einnig hafa þau fengið nöfn og þar vantar ekki frumlegheitin. Nöfnin eru Reykjavíkur-, Parisar-, Washington- og Londontorg.
Undanfarin ár hefur fólk af erlendum uppruna orðið algengari sjón í bænum. Eru þetta flest allt fjölskyldur frá löndum eins og Litháen og Póllandi og komin hingað á vit ævintýranna. Pólverjarnir hafa núna nýlega opnað verslun á Iðavöllunum og eru búnir að opna matvöruverslun á Hringbrautinni við hliðina á Fiskbúðinni og ber hún hið fagra nafn ‘Polski mini market’.
Stapinn frægi er hættur að halda böll og skemmtanir í bili og þurfa bæjarbúar nú að finna sér annað húsnæði fyrir slíkt. Nemendafélag Fjölbrautaskóla Suðurnesja dó ekki ráðalaust heldur tóku þau sig saman og héldu busaball sitt í Stærri salnum í Íþróttahúsi Reykjanesbæjar. Heppnaðist það vonum framar og er NFS strax farið að tala um að fá stærri salinn aftur fyrir næsta ball.
230 Keflavík, Bítlabærinn, „litla Ameríka“, Kef city, 260 Njarðvík, Njarlem, 233 Hafnir. Reykjanesbær.Staðurinn til að vera á!
Ég skrifa ekki meir í bili, ég ætla að leggja mig. Elska ykkur! Je t'embrasse!
-Þórhildur 